Dunderdag was k vrij
Agenda vol, behaalven dunderdag heb k niks om haanden.
Smoandags òfsproak mit Marianne,
mit heur schiere haanden.
Dingsdag vot smörns aal mit Monique,
krek zo’n roadsel as Mona Lisa.
Smörns bin k op mien best.
Hail dag heb k wieder gain tied.
Woensdags bin k anderhaalf uur bie Karin,
aan heur mout k nog wat wennen,
mor snommerdags vannijs bie Monique. t Is zo’n laiverd,
mor laank gain open bouk.
Dunderdags wait k mie gain road,
k lied onner gebrek aan overdoad.
Mor vrijdags vuil k mie weer de man,
Loes, dij zo goud luustern kin, staait mie bie en heurt mie oet.
Mor over Marianne, Karin en Monique hol k mie snoede dicht..
Smiddags is t Richard,
dij nait veul tied het veur gainaine.
n Haile weke in t zaikenhoes, altmoal dokters in riege.
Mor dunderdag was k vrij.