Ie kinnen der mit lezen en schrieven
Katten
Och, dij baaide katten,
twij grode schatten.
Och, dij laive poeskes,
mien grootste snoeskes.
mor as je aan t waark mouten,
zitten zai zo laank te vrouten,
totdat je loi op baank zitten
en zai op schoot ligt te pitten.
Snij ien toen
Op snij ien toen ligt brood
veur vogeltjes ien nood.
Ze bìnnen der overhìn vlogen
en ik vuil mie sip bedrogen.
Zulfs zeekobben hemmen niks pikt.
Bennen zai of ik non getikt?
Op dit stee willen wie geern wat informoatie over de schriever geven. Veur de lezer is dat vanzulf interessant. Wenneer geboren, woar komt hai of zai vot? Al meer schreven? En nog wat meer achtergrond. Schaande genog hebben wie dij informoatie nog nait (compleet). Doarom n oproup aan de schriever ons wat op te sturen.
Wie hebben veul waark van al wat joaren leden op de webstee stoan. t Kin vanzulf ook wezen dat de schriever al oet tied komen is. Doarom n oproup aan de noabestoanden om dizze informoatie te sturen, zodat noast t schriefwaark ook de persoon van de schriever in onze gedachten wieder leeft.
