Dit is de tied
Dit is de tied. Joe maggen zeuven moal roaden.
Zeuvenmoal zeuventeg moal hebben joe tied
om gizzend en mizzend, deur schaande en schoa
wies worden, te ontkomen aan kwoade,
dreum van wenteltrabbe aiweghaid.
Dit s de tied, tied om te zörgen,
zörgende te stoan mit rogge noar muur,
bloot aan de dood, in t leven borgen,
lezen scharen van mörgen
speulender,– speulenderwies op mure.
Dit s de tied. God zulf staait zunder
zok te verreuren aansom.
Dit s de tied. Der beurt gain wunder,
mor ‘Hain’ telt langzoam van ain tot honderd
tot honderdtien— en din: “Ik kom!”.
In t Grunnens omtoald gedicht van Jan Wit