Denneboom en Loariks
(noar n foabel van Aesopus)
Denneboom mouk loariks belaggelk, omreden dij zien nalen ien haars valen lait en hai mooi gruin bleef. Dou winter kwam, trok ter n dikke bui snij veurbie. Ien dikke loagen vil snij omdeel en dat op dikke takken mit gruine nalen van denneboom. t Duurde nait laang of takken van denneboom broken òf en boom ging der aan dood. Snij vil ook op takken van loariks mor dij wazzen ja koal en snij vil der zo weer òf en dat omdeel op grond. Loariks leefde gewoon wieder en bleef mor wazen.
t Is n bult weerd as ain hom aan omstandegheden wait aan te pazen.
![](https://dideldom.nu/wp-content/uploads/2023/09/afbeelding-6.png)