De kunstschilder
As ik zo aan t meer stoa te kloddern
Vuil k mie n keunink zo riek
Dat ik dat toch maag
Op zo n nuvere daag
Zun in rogge ik laag.
k Zit hier allain mit kwasten en vaarf
En t woater dat snabbelt mor deur
Mien vouten binnen voel nat
Mor och wat dut dat
Thoes is ja zaipe zat.
t Gaait mie bloots om de rust
Der maank heuren dat is t ja altmoal
As n viske zo vrij
Gain kopschraberij
Hier in t raait mit woater tot knij.
Kiek doar zaailen n poar bootjes zo stil
t Robbelt de spaigel hoast nait
In ainen woaren ze mie
En sturen stoef bie
Nikkoppend drieven ze veurbie.
![](https://dideldom.nu/wp-content/uploads/2023/10/afbeelding-12.png)