D olle Grieze
Van verren ain boaken veur mainegain
Dei toren, wat het e aal nait zain:
Metini, sunt de Middelaiwen
Van Stads historie getuge deur de joaren
In tieden van verwin en van gevoaren:
Metini, sunt de Middelaiwen
Bosschopper deur de tied van mooi en maal
Heuren zai in Stad zien klokken overaal:
Metini, sunt de Middelaiwen
Een wèl er ook pebaairt dei toren noar kroon te steken
t Blift doch gekudel mit dei aine vergeleken:
Metini, sunt de Middelaiwen