Roemte
As kind von ik roemte
op ’t aarf van opa’s boerderij:
löslopende tuten,
roustig raif,
blikspuit met neefkes,
widde stoetjes met botter.
Joe heurden→
Ik bin van 1958. Geboorn aan Hondeloan in Schewòl. Met sikkom 6 jaar verhoesd noar Hoofdweg in Slochter.
Op mien twintigste juffraauw worden in Kootstertille, Vraislaand. Ging dou wonen in Dreugeham. Doar woon ik nog.
Ik traauwde in 1985, in Fraeylemabörg. Mien man haar al vaier wichtertjes. Wie kregen nog een wichtje en twei jonges. Wie hebben nou zestien klaainkinder.
In ons toen stait een wigterboom. Hai, wat huurt dat roar.
Ik heb een boukje over bidden veur kinder schreven, dat oetkwam in 1991. En een boukje over et Ôlle Testament, ook veur kinder. Oetgeven in 1994. Baide gewoon in et Nederlands.
Verder twei Nederlandse novelles en ain Nederlandse roman, tot nou tou alle drei nait ontheven.
Verder wat kinderverhoaltjes in het Nederlands, wat körte grappige verhoaltjes en een poar gedichten, ook wel wat in et Grunnegs en in et Vrais. Ôf en tou wer der wel wat publiceerd in een kraant.
Ik hoal soms Grunnegs en Vrais deur mekaar.
Dailnemer aan de Pervinzioale Schriefwedstried 2025.