Vrijhaid in t klain?
t Is joaren leden en t was in Kommerziel n joar of tien noa de twijde wereldoorlog, dus Nederland volop in de wederopbouw met veul noaweeën.
Pienlijke→
Dailnemer Pervinzioale Schriefwedstried 2024.
Ik heb t schrieven denk ik van mien pa, Hendrik Haan. Pa schreef joaren leden verhoalen veur de Neie Grunneger Provincioale kraant, onder pseudoniem Onesimus of onder initioal H.H.
Verhoalen over familie-gebeurtenissen, fantasie-verhoalen mor ook over WOII want pa zat daip in t verzet. Pa en schrieven . . . n vörm van verwaarken?
Der over proaten kon en wol e nait; mien moeke ook nait. In mien baide families (pa Haan en moe Kok) hebben zok drama’s òfspeult in d’ oorlog.
Ik schrief laang nait zo veul en nait zo goud as pa en dat kin k ook nait mor òf en tou, as k de gaist heb . . . Dat komt veuraal omdat ik t Grunnegs zo slim mooi vind. En dat mot bestoan blieven.
Ik bedenk mie wel ais: messchain schrief ik ook wel omdat ik hierdeur òf en tou even extroa dichter bie mien olders en grootolders kom te stoan, echte Grunnegers.
Allain al dizze gedachte vind ik hail mooi en weerdevol en om te koesteren.
Zuidlaren, 13-12-24.