Bie mien graf
Stoa nait bie mien graf mit troanen van verdrait
Ik bin vot, mor lig hier nait
Ik bin dij lije veurjoarswind dij deur dien hoar hin poest
Ik bin dij malse regenbui dijs heurst op dak van t hoes
Ik bin dij glinstertjes ien snij op t laand in winterrust
Ik bin dij zunnestroalen op wang dijs vuilst as ogen tou dust
Ik bin t roekoeren van de doeven dij noar hoes tou goan
Ik bin dij doezend steerns dijs zugst snachts bie volle moan
Ik bin dij vroag, woarom, woarom, dij deur dien kop blift speulen
t Vuur dat mor nait oet goan wil en in dien haart blift smeulen
Stoa nait bie mien graf mit d’ogen nat en rood
Ik lig hier nait, ik bin nait dood
Omtoalen van Do Not Stand At My Grave And Weep, n old Engels grafdicht van Mary Elizabeth Frye.