Boukenkaast
Grait is tiepelzinneg. Ze waarkt in n twijdehaands winkel, mit 40.000 bouken.
Pait zuikt n biezunder bouk, ain zunder letters.
‘Dat bin ik,’ zegt Grait. ‘Kinst mit mie lezen en schrieven.’ Ze lopt op hom tou en smokt hom.
Pait verbalderd, dut n stap achteroet, vlakbie n septiel stee in boukenkaast. Mit n baaident valen ze der deur en belanden in n movvege roemte. Gain beeld en t geluud is n poest en n zucht.
Noa 3/4 joar is n boukprezentoatsie. t Nije bouk het ook n noam: Boukje. Nou nog n onbeschreven blad, mor dat zel gaauw veraandern.
![](https://dideldom.nu/wp-content/uploads/2023/12/afbeelding-49.png)