Botox
In de spaigel glimt een strakgetrokken geloat
Botox het de jeugd in de grip, van aarger tot kwoad
De plastische chirurgen laachen zoch krom
Sommigen knappen der van op mor aanderen? Woarom?
De rimpels worden wist en het hoed wordt strak als n koord
Mor woar is de glimlach dei die echt bekoort
Een naaldje hier en doar en de jeugd is verkocht
Der binnen gount dei hebben der kapitoalen veur over, wel haar dat noe docht
Het liekt op een komisch spel dei de glimlach gaait verdrieven
Ik mout der nait aan begunnen, loat mie mor gewoon zo blieven
Mor der binnen gount dei moaken het hailemoal te gek
k Heb even noar mien buurvraauw keken, die het noe een eendenbek
Botox kin inderdoad wat rimpels vermindern
Mor de woare pracht zit daiper, dei zit van binnen
Mit een glad gestreken gezicht, hail strak en koel
Lopt mien buurvraauw noe deur het dörp mit een haile roare smoel
