Boer en Aaiber
(noar n foabel van Aesopus)
Boer dee netten over zien nijs ienzaaid laand en vong der n koppel kroanvogels, dij der op òfkwammen om zoad op te vreten, ien. Zat ook n aaiber maank en dij brak zien poot ter ook nog bie. Aaiber smeekte boer hom te spoaren. Hai zee: “Moak mie nait dood boas en loat mie goan. Mien broken poot mout joen meelie toch opwekken. Boetendes bin k gain kroanvogel mor n aaiber; n vogel mit n goud kerakter dij haard waarkt veur zien ollu. Kiek ook noar mien schiere veren. Dij lieken haildaal ja nait op dij van n kroanvogel”. Boer laagde haardoet en zee: ”Dat kin din wel zo weden, mor ain ding wai’k sekuur.
k Heb die tougelieks mit dizze kroanvogels, dij rovers, vangen doan en doe gaaist ter ook tougelieks mit heur aan”.
Boer moakte körde metten mit kroanvogels en aaiber en zee: “Soort zöcht soort!”