Boas en zien Honden
(Noar n foabel van Aesopus)
t Haar boer al tiedstieden tegen zeten en nou dat t dik winter was mit veul snij en ies, was alles vroren. Hai kon der hail nait meer oet kommen en etendrinken hoalen. Dou t eten apmoal op was, slachtte hai eerst schoap en doarnoa sik. Dou e dij opeten haar, was t nog gain deu en onnaaierde hai dat os der ook aan leuven mos. Mor ook os opeten mouk nait dat t weer beter wer en boom van vlaaisvat kwam vannijs ien zicht.
Boer zien honden zagen t aankommen en zeden tegen nkander: ‘t Is tied der vandeur te goan, van as boer zulfs zien os, dij aal t waark veur hom dut, nait spoart, hou kinnen wie din verwachten dat e ons wel spoaren zel?’
Ain dij zien aigen femilie min behandelt as t tegenweert, kin nait op vertraauwd worden.
![](https://dideldom.nu/wp-content/uploads/2023/09/afbeelding-112.png)