Bliede
Schare komt al dichterbie. Zunne
trekt zok terog oet toene, leste
vogels geven nog waarmte aan t licht.
k Heb mien stoule al zes moal verzet,
net zo voak as zwaarte liester
hinkelepinkt veur mien vouten
en k mie òfvroag wat k nog
doun mout mit mien doagen.
Krone waaiert t net al wieder oet.
Mien laifste is wied vot. Aangst
brengt heur weerom in mie.
k Bin bliede.
Mor vroag mie nait woarom.
