Bist n gelukkig mens
as gezondhaid je nait in de steek let
denk den bie die zulf; ik heb geluk
het is t ainigste, wat men neudig het
en moakt dat t leven nait meer stuk
wees den ook tevree en pluk de dag
zo ast dien laifde ooit hest vonden
en vlaig mit de wind, regen en lach
het geluk hailt immers alle wonden
as gain hoat kenst en t nait in die zit
elk in z’n aigen weerde dust loaten
wees hiermit gelukkig en bliede mit
en n aander gewoon letst proaten
zo is geld en roem mooi mitnomen
al brengt het lang nait altied geluk
mit laifde kenst altied aankomen
en dat geven moak t leven nait stuk
mit zo’n ain haarte op t rechte stee
kent n wereld den ook gain grens
dicht bie op n laand, wied over zee
en bist in elk geval n gelukkig mens!
