Bejoardenhoes

· Velde van de, Age

Lest kwam ik bie mien opoe op bezuik
In t bejoardenhoes, op n zundagmörgen
Ze vuilde heur minneg, t was nait best
Ainzoam zat ze in hörn

Verzörgen is goud, niks te kloagen
t Is n schier nijmoods hoes
Mor heur lutje koamer
Is toch heur leste thoes

k Brochde veur heur n fleske klonje mit
n Bos bloumen en n bouk
Ze was blied dat ze eem keuveln kon
Bie n kop kovvie en kouk

k Zag dou ik deur t hoes hin laip
Minsen mit rolstoulen in gaang
Old, ainzoam en dement
t Muik mie verdraiteg en baang

n Zetje loater bie vot goan docht ik:
“Ze hebben t hier best goud
Mor wat bin k toch bliede
Dak hier nog nait leven mout”.

Gedichten

Meer van t zulfde:

Schrift en zingt in t Grunnegs, hai dee mit aan: “Tuutjefloitersfestival”, “Oafslag Noord Twij” en “De Nacht van Ede”.

Age over Age: Ik bin geboren en opgruid in Stad.
k Hol mie sunt 1996 bezeg mit het schrieven van laidteksten in de Grunneger toal.
In t veujoar van 1996 ben ik begonnen mit het schrieven van twij laidteksten veur het Grunneger Laidjesfestival.
Doarop kreeg ik veul positieve reakties, o.a. van RTV-Noord dij mie nuigt hebben in n poar van heur programma’s.
In december 1996 kwam mien eerste spaigelploatje “Onderwegens” oet. In meert 1998 mien twijde “De tied ontvlucht” en in meert 2000 mien daarde “Zo mor n dag”, woar o.a. Wia Buze, Fransien Kuiper en Alex Staal aan mitwaarkt hebben.
Teksten en meziek schrief ikzulf.
Hoogtepunten tot op heden is het mitdoun aan het “Tuutjefloitersfestival”, “Oafslag Noord Twij” en “De Nacht van Ede” (de leste twij organiseerd deur RTV-Noord).
Mien laidjes binnen regelmoateg op Radio-Noord te beluustern.
Sunt 1998 heb ik mie ook toulegd op het schrieven van körde gedichten.
Ik bin op dit moment bezeg mit opnoames veur mien vaarde CD (noajoar 2002) en mit het moaken van mien aigen Web-Site.

Bejoardenhoes

Meer van t zulfde:

Omi

Vishouk

Rinus

E-mail bie wat nijs?