As plaaister lösloat
Zolaang er mor zwegen wordt,
wond nait ontplaaisterd is,
mor as de plaaister uut de houkjes rolt,
tot rond de wond langzoam onthecht,
den zwabbert wat nog over is
gevoarleker den ooit.
Den barst t onderhuudse
as n stroom van lava,
een nait te keren kracht
as of n vissenbak
uut aal zien wanden knapt.
As t angstig stil wordt
noa de flitsen licht,
t luchthappen verstomt,
lichte kaant van moanvis boven komt,
vergeven roemte geft,
vuilst zien laifde pas echt.
Inspireerd deur t bouk Aquarium van David Vann
