Arretjeskeek
Wat mout der in:
Twijenhaalf onze meelkoekjes, twinteg gram sukkeloapoeier, twijenhaalf onze botter, twij hounderaaier, twij onze widde basterd sukker.
Hou mout je t doun:
Kwengel de aaier, de sukker en de sukkeloapoeier deur n ander hén tot n smeuig gehail.
Breek alvast de meelkoekjes in leutje stukjes van omenbie n sentimeter.
Loat de botter langzoam smelten in n pannegie, moar t mag nait broen worden.
Dou de botter en de koekjes deur de sukkeloaboudel hén en moak der n mooi gehail van.
Dou nou de haile brut in n keekvörm en loat dat twij uur opstieven in koelkaaste.
Joen arretjeskeek is kloar veur konsumsie.
As tip; eet der nait te veul van, omreden t is verrekte machteg.
Instuurd deur Cor Uildriks oet Sapmeer.