Als ik zo even noar boven kiek
Als ik s mörgens even mit de kraante in de zunne zit
Den wordt de dag veur mie zeker gain laange rit
Ik denk den voak: wat is het hier toch prachtig in ons land
t Is hier gelukkeg rusteg, mor doargunder is veul trammelant
In t Oldambt is veur elk en aine wel wat te beleven
Geniet der van, want het leven duurt mor even
Geef dien noasten de ruumte, ook al hebben ze een aandere mainen
Een scholderklopke vaalt die noit zo mor tou, most het wel verdainen
Ik kin genieten van de natuur en de kleine dingen
De vlinders fladdern wat om mie tou en ik heur de vogels zingen
Alst der open veur staist den kinst genieten van de natuur
En elke dag geniet ik weer opnei, van elke uur
Als ik even noar boven kiek den hebben de vogels grote schik
Wie kinnen hier genieten van de rust en hebben een wiedse blik
Als ik het zo bekiek den wait ik zeker dat ik noit overdrief
Ik kin joe den ook rusteg melden dat ik hier in t Oldambt blief
