Aarms vol gold

· Wilzing, Hanne

In nommerdag heur ik wied vot
vroagende stem van t kind
Wat ze zegt zai ik nich
tied mokt luustern blind

Mit ogen stief dichte
roak ik sikkom lutje törf
löshaid en waarmte bie mie
as hunneg oet iemekörf

Haar ik vanmörn man keken
t levent stoef bie zöcht
der luipen doezend lienen
trokken noar t hoge löcht

k Glie dele noar d‘oavend
en verries allinneg in de nacht
heur floiten van vrouge vogels
kiek in toene, gold hef wacht

Twai kinder under appelboom
t speulen stoekte even
vannijs vuil olle vroage
en kön ik antwoord geven

(16 jannewoarie 2010)

Gedichten

Meer van t zulfde:

Geboren in: Smilke, 1958
Schrift ook veur: Kreuze
Toal en Taiken
Schreef veur: Krödde

“k Heb t löcht zain en bin opgruid as boerenjong
in buurtschop Smilke (Smeerling) bie Onstwed-
de. Op mien17e bin k veur school en waark wie-
de wereld in trokken. Mor t Grunnegs blif mien
eerste toal. Geregeld verschienen gedichten en
verhoalen mit Westerwoldse inslag van mie o.m.
in Kreuze en Toal & Taiken. Mien gedichten bin-
nen ook opnomen in enkele verzoamelbundels.
Wieder waark ik mit aan festivals.”

Bundels:
De stille kaant (Triona Pers, 2010)
Dichter bie Psaalms (Vliedorp, 2010)
Wat mörn komt (Huis van de Groninger Cul-
tuur, 2011)
Oetzicht (2012)

Aarms vol gold

Meer van t zulfde:

Perron

Dizze stad

In t concertgebaauw

E-mail bie wat nijs?