Spannend wasgoud
Op e knijkes zit e veur
t deur rubber omraande glas
te kieken noar mien biezundere was
en zigt hou ien t schoemend sop
zien rubbern steveltjes op e kop
aal ien e rondte draaien
en mien pantovvels aaien.
Hai volgt zien steveltjes op e vout,
van zien voutjes zai ik enkel zien toontjes,
dìn strekt e zien sloapende baintjes
en kiekt riekhaalzend tou
hou ik t deurtje opendou,
zien steveltjes volprop mit stukken kraant,
zien knoesjes drukken tegen mien haand.
Nou, roem twinteg joar loater
stoan zien reuzestevels op e kraant
te soppen van t woater.
