Ie kinnen der mit lezen en schrieven
“Moi, k heb veur die even n vroage.
Welke worst wilst doe vandoage in dien moage?”
“Nou t mokt mie nait zoveul uut.
Mor k wil in mien lief laiver gain roar geluud”.
“Rookworst, knakworst, worst mit bloud.
Vindt dien tonge t aal wel goud?
Broatworst, boterhamworst of worst van lever.
Zeg t mor, ik bin ain gulle gever.
k Heb ook salami, chorizo, dreuge worst mit keeze”.
“Tou mor. t Zel mie worst wezen….”
Geboren: 1951 in Veendam
Woont in: Wedde
Ik proat mien haile leven grunnings, moar schrieven kin ik t nait goud. Ik schrief t teveul zo as ik het zeg. Toch perbaaier ik wel es wat met hulp van dizze en dij. Ik mok ‘riemseltjes’ as tiedverdrief. ‘Gedichten’ vin ik n te groot woord. Mor ik heb der oardeghaid aan. Maistal in t Nederlands, moar ook wel in t Grunnegs.
Ik hol nait van swoarwichtig gedou. Veurwoarde aine is veur mie dat het mot riemen. Dat litteraire gedou zegt mie niks.
