Vraauwluu,

ze mouten d’r den ook ainmoal wezen
gelukkig veur ons, mor anders?, zegt t mor
toch huiven en hebben we niks te vrezen
we zitten mit hun mainstal wel snor

zo lopen d’r op z’n minst drei soorten rond
en is d’r den ook keuze genog veur ons
al hebben ze hoaren, rood,zwart of blond
as ze mor binnen; fiks,laif en gezond

Hoesvraauwluu: binnen t laifste in aigen hoes
en holden t hoesholden zo goud as wel op stee
ze binnen doarin zeker nait veur de poes
zulfs nait tiedens t opmokken van de bedstee

Koopvraauwluu: dei winkels in en oet lopen
en komen noeit in hoes mit lege handen
ze mouten t ain of t aander kopen
hebben aanders niks den twei linker handen

Loopvraauwluu: dei binnen altied op pad
van smörgens vroug tot soavends loat
binnen nijschierig en heuren zo hail wat
en is zo altied wel mit aine aan de proat

we loaten elk mor in hun doun en loaten
zo het de aine dit en de aander weer dat
mor vraauwluu, we holden joe in de goaten
en we kennen nait zunder joe, makkelijk zat!