Ie kinnen der mit lezen en schrieven
Ain is der veur, aander is tegen,
kerkmensen binnen der met verlegen,
teksten vallen nait altied goud
en wies is ook nog nait vertraauwd.
Koren binnen drok ien de weer,
de mens zuikt uut wat er begeert,
veur elke stroming is wel wat
mor nait genog uut t olle vat.
Elk wil zien aigen bouk der bie,
en vroagt zich òf, ligt dat aan mie?
Wordt dit n splietzwam ien de tied
den binnen we t laiver gaauw weer kwiet
mor brengt t mensen tot de Heer
den viendt dit bouk zien weerklank weer.
Coby Poelman-Duisterwinkel, geboren in Grunnen ien 1955, woont met heur man ien Aduard.
Ze schrieft gedichten, verhoalen en columns, het 12 bouken uutgeven woarvan 2 kienderbouken.
Heur leste bouk, een kienderbouk is ien 2019 uutgeven deur Kok/boekencentrum.
Ze droagt veur uut aaigen waark veur verschaaiden verenegingen, is vaste columnist bie Welkom in Zuidhorn vanof 2011.
Ze mag groag schrieven over wat heur roakt ien t leven, ze schrieft bie foto’s, bie bouken die ze leest veur de literaire kring.
Ze waarkte meer dan 10 joar met aan biebelse dagbouken, uutgeven deur Jongbloed en enkele van heur gedichten bennen op muziek zet deur componisten.
Ien de Erasmusuniversiteit ien Rotterdam is n deel van heur gedicht ‘Diploma-uitreiking’ deur NEON-kunstenoar Toni Burgering (de kunstenoar die ook de bekende dichtregel van Lucebert ien Rotterdam ien NEON moakt het) ien een Neon kunstwaark verwaarkt en dat beslacht een groot dail van de wand van Sanders Law library woar rechtenstudenten studeren. Dat dail van heur gedicht is ook ien 200 minikunstwaarken graveerd die de rechtenstudenten uutriekt kriegen as ze de bul hoalen.
Bie de opening van Sanders Law library het Coby heur gedicht doar veurdroagen. Doar kreeg ze zelf ook t mini kunstwaark overhandegd.
