Woar ain uur ain joar is!

Bie oons in t veen neumt man t ain uur,
dai kan ja ook aibels laank duren.
Mor moak joe mor nait overstuur,
want even wiederop het man ook kuren.
Doar nuimen ze t ding gain uur, mor joar,
Kin je messchain dat wel verkloaren?
t Liekt wel n roadsel, dat is woar,
mor t bestait doar in de buurt al joaren.
As joe t waiten, dan bin je gain kou,
dan hèj’ t gehaaim vind ik snel roaden.
Het is zien “uier”, waiten joe ‘t nou!
of het n aander t joe verroaden?


december 2006

Meer van t zulfde:

Ploats hier joen reactie op dit stòkje, de nijsten kinnen ie lezen op de Thoesbladzie. Algemaine reacties geern op t Prikbord.

Het e-mailadres wordt niet gepubliceerd. Vereiste velden zijn gemarkeerd met *

Achtergrond info:

Geboren: 1942 in Buunderveen
Woont: op Knoal
Schrift al: sunds 1996 in t Grunnegs

Noa mien ofkeuren as directeur van n grondschoule in 1996 heb k mie as tiedverdrief wat toulegd op t Grunnings. Veur mien klaainkinder heb k n twijtoaleg boukje schreven over n hondje dat oetnaaid was en van aal beleefd. Doarnoa bin k wieder goan mit n boukje over n schouljuvver dij noa n hazzeninfarct in n verleeghoes te laande komt. Heur ervoarens stoan in: “Getwiende droaden”, woar k nog n oetgever veur hoop te vinden.
Nou bin k mien twijde bouk: “Losse flodders” aan t deurplougen om t zoakie wat leesboarder te moaken. t Bestait oet n twintegtaal lösse verhoalen en evenzoveul verskes.

E-mail bie wat nijs?