Wel ben ik?

Ik bin geboren
zunner kop of oren
mit gain aarm of bain
klainer nog as klain.
Moar ik kon aal vlaigen
wel as lucht zo hoog.
Hoger as n piel dij
votschut oet n boog.
Kom ik deel, ien zicht,
knipt min ogen dicht.
Ollen kroepen daip ien kroag,
kiener roupen: “Kom moar, groag!”
As ik wit omdeel vaal
gait t die t wel noar zin.
Zeg, miejong, wais doe aal,
wel ik wezen kin?

Tekst David Hartsema.