Wat n nuver wicht

· Blok, Martin / Boven van, Harry

ik zag die stoan, wat n nuver wicht
bin veur die zwicht kom loaten we goan
k wil hier vandoan gaaist mit mie mit
schrief die n gedicht bie t licht van de moan

ik keek die noa k heb mien nek verrekt
doe bist perfekt roakst de goie snoar
mor t is zo roar, ik bin gebekt
luuster wat ik zeg, oetleg in t dialect

bin gain rieke man, bin gewone vent
bin verwend wat vindst doe doarvan
we binnen n schier span dat heb k erkend
n vent mit talent joa n echte Tarzan

doe bist t koren en ik bin t groan
doe bist t wotter en ik bin de kroan
bin nait al te nuver en bin nait klouk
t is echt nait aal doage kovvie mit kouk

ik hol van die, ook al gaait t n moal fout
ik heur bie die en ik mok t weer goud

Oet: Sproakwotter
(Harry van Boven en Martin Blok)

Gedichten

Op dit stee willen wie geern wat informoatsie over de schriever geven. Veur de lezer is dat vanzulf interessant. Wenneer geboren, woar komt hai of zai vot? Al meer schreven? En nog wat meer achtergrond. Schaande genog hebben wie dij informoatsie nog nait (compleet). Doarom n oproup aan de schriever ons wat op te sturen.

Wie hebben veul waark van al wat joaren leden op de webstee stoan. t Kin vanzulf ook wezen dat de schriever al oet tied komen is. Doarom n oproup aan de noabestoanden om dizze informoatsie te sturen, zodat noast t schriefwaark ook de persoon van de schriever in onze gedachten wieder leeft.

Wat n nuver wicht

E-mail bie wat nijs?