Ie kinnen der mit lezen en schrieven
“Der is gain mooier praacht, gain staarker kraacht, din wastoe aan mie schenkst.”
(Astoe aan mie denkst, Edwin Jongedijk)
Laifdeslaidjes worden der veul schreven. Zoveul, dat t veur n artiest slim stoer wordt wat te opbedenken, dat nog noeit zongen is. Ik wait nait hou nij of orizineel dizze regel van Edwin Jongediek is, moar t is wel n moal wat aans as k hòl van die en k blief bie die.
Geboren op: 9 september 1973
Woont in: Stad
Schreef in: Kreuze
Blogt op: https://www.bertwijnholds.nl/
In 2004 haar k veur t eerst n aigen webstee, woarop k in t Nederlands schreef. Mien eerst schriefsel in t Grunnegs is n blogbericht van meert 2010, over d’eerste Dag van de Grunneger toal. In maai 2011 wuir k tekstredakteur van t digitoale Grunneger tiedschrift Kreuze en vanòf dat mement bin k allenneg nog in t Grunnegs schrieven goan. In jannewoarie 2023 is Kreuze opholden te bestoan. k Bin doarmit stopd as tekstredakteur en k hoop nou meer mit aigen schrieverij aan d’loop te kinnen. Mien schrieverij bestaait t mainst uut blogs over n verschaaidenhaid aan onderwaarpen.
