Ie kinnen der mit lezen en schrieven
t Liekt over, leeg en dood.
t Vuilt kòld en verdoofd.
Moar van binnen is t riek en old,
Hòlt.
Breek t open, snie t in stukken.
Lak t over, of stook t op.
Boeten zweeft n ballet vlaigen,
op n onzichtboare stroom.
Ontelboare daanskes in de locht,
verdwienen mit loatste doek in oelevlocht.
Iezer wotter stroezelt deur.
Breekt t bruun mit oraanje kleur.
(Daarde pries
Grunneger Schriefwedstried 2013)
Marlene Bakker is n opvalende verschienen in t Grunnegstoalige circuit. Mit heur prachtige stem en landelk veulprezen debuutalbum RAIF het ze n aigen stee in d Ollandse meziekscene veroverd. Ook lu dij t Grunnegs nait kinnen, luustern geern noar heur meziek dij bol staait van verlangen, weemoud en romantiek en deur de filmachtige sfeer.
Zai ontving de streektoalpries veur RAIF en de Bosklopper Bokoal veur beste Grunnegstoalige single veur t wonderschiere laid “Waarkhanden”.
