Omzain en veuroetkieken
Der binnen troanen dij
nait opdreugd worden.
Der is verdrait,
dat nait daild worden kin.
Der is n leeg stee,
dij nait opvuld wordt.
Dien bouk is dichte,
mor inhold
dijst der aan gafst,
blift aiveg bestoan.
Meer van t zulfde:
Berichtje bie n nije reactie?
0 Reacties
Geboren: 1942 in Buunderveen
Woont: op Knoal
Schrift al: sunds 1996 in t Grunnegs
Noa mien ofkeuren as directeur van n grondschoule in 1996 heb k mie as tiedverdrief wat toulegd op t Grunnings. Veur mien klaainkinder heb k n twijtoaleg boukje schreven over n hondje dat oetnaaid was en van aal beleefd. Doarnoa bin k wieder goan mit n boukje over n schouljuvver dij noa n hazzeninfarct in n verleeghoes te laande komt. Heur ervoarens stoan in: “Getwiende droaden”, woar k nog n oetgever veur hoop te vinden.
Nou bin k mien twijde bouk: “Losse flodders” aan t deurplougen om t zoakie wat leesboarder te moaken. t Bestait oet n twintegtaal lösse verhoalen en evenzoveul verskes.
