Ie kinnen der mit lezen en schrieven
Op de akkers in mien Grunneger laand
Doar gruit en bluit t koolzoad
De eulie oet dizze prachtege plaant
Is veur ons miljeu n weldoad.
Heloas het Shell nog net even te veul te zeggen
En maggen ons auto’s er nait op rieden
Moar ik wait t hail zeker
Der kommen ains betere koolzoad-tieden.
Woont in: Beem.
Op dit stee willen wie geern wat informoatie over de schriever geven. Veur de lezer is dat vanzulf interessant. Wenneer geboren, woar komt hai of zai vot? Al meer schreven? En nog wat meer achtergrond. Schaande genog hebben wie dij informoatie nog nait (compleet). Doarom n oproup aan de schriever ons wat op te sturen.
Wie hebben veul waark van al wat joaren leden op de webstee stoan. t Kin vanzulf ook wezen dat de schriever al oet tied komen is. Doarom n oproup aan de noabestoanden om dizze informoatie te sturen, zodat noast t schriefwaark ook de persoon van de schriever in onze gedachten wieder leeft.
