Komplemint

· Bakker, Jaap

Ik baauwde veur mien vraauw n schier kestail

En waarkde joaren as n idioot

T Haar honnerd koamers, toene aibels groot

Wat was ik groots, t was ja n pronkjewail!

Ik ruip: “Is dat nait wat veur die en kinder?”

Mien vraauw zee: “Zekers man, dat kon ja minder”.

• Facebook
• X
• LinkedIn
• Email
• Print

Gedichten

Meer van t zulfde:

• Doamestas

• Mondhaarp

• Oost-West-kloof

Achtergrond info:

Jaap is geboren in 1967 in n zaikenhuus in Stad en is opgruid in Bunermond. Hij studaairde Nederlands in Stad en woont nou in Zwolle.
  
Hij waarkt as business analist. In zien vrije tied mag e geern schrieven. Maisttieds light verse in t Nederlands, mor òf en tou schrift e ook in t Grunnegs en ook wel wat serieus spul. Der is waark van hom ploatst in Krödde, Kreuze en Toal en Taiken. In t Nederlands het e n poar bundels met gedichten schreven. Meer informoatsie staait op zien webstee en doar staait ook wel wat meer Grunnegs op:
https://deverzenbakker.wordpress.com/category/bakvormen/grunneger-kouk/