Ie kinnen der mit lezen en schrieven
Ofschaaid nemen van aine,
dij je nooit meer zellen zain.
Hou dou je dat?
Ofschaaid nemen van aine,
woar je van holden.
Hou dou je dat?
Ofschaaid nemen van aine,
dij je nog nait missen kinnen.
Hou dou je dat?
Ofschaaid nemen van n dierboare
veur aaltied, veurgoud.
Hou dou je dat?
Ofschaaid nemen van aine,
vertel mie, hou k dat doun mout.
Geboren: 1942 in Buunderveen
Woont: op Knoal
Schrift al: sunds 1996 in t Grunnegs
Noa mien ofkeuren as directeur van n grondschoule in 1996 heb k mie as tiedverdrief wat toulegd op t Grunnings. Veur mien klaainkinder heb k n twijtoaleg boukje schreven over n hondje dat oetnaaid was en van aal beleefd. Doarnoa bin k wieder goan mit n boukje over n schouljuvver dij noa n hazzeninfarct in n verleeghoes te laande komt. Heur ervoarens stoan in: “Getwiende droaden”, woar k nog n oetgever veur hoop te vinden.
Nou bin k mien twijde bouk: “Losse flodders” aan t deurplougen om t zoakie wat leesboarder te moaken. t Bestait oet n twintegtaal lösse verhoalen en evenzoveul verskes.
