Hemels Eterijtje

WELKOM – WELKOM BIE KLÒKJEROVVEL SCHEMERN
KOM – IK NUIG JOE – EN TRAKTAAIER JOE GROAG
OP N BIEZUNDER FEESTELK ETERIJTJE – VANDOAG

500 DRUBBELTJES LAIFDE – EN PASSIE
IN N KROKAANT BLOADERDEEGJASSIE
VEURZICHTEG OP N HAARTJE NEERVLAAID
WAARMBLOUDEG TOUBERAAID

SOAM – GENOTTERN – VOTLEPELEN MIT GEVALEGHAID
VEUR NOU – LOATER – NIJE VRUNDSCHOPPEN –
EN GAIN KÒL BRETJE MIT ÕFSCHAID

WIE SLUTEN ONS ETERIJTJE ÒF MIT
N ZUNVERWAARMD ZUNNESTIPKE
OP ICE OF ROSES – MIT JOYCIAANSE STILLE KRACHT
N KLAPPERMELKIE UUT GORDEL VAN SMARAGD

ZWOULE DRAANK – OF WIEN – OF GAARSTENATTEN
EN VOCHT VEUR ‘BOB’ WAT NAIT AAN DOENEN GRÈNST
MIT N TROANTJE WÈNST

EN DEN – GOIE BEKOMST
WÉÉR N BELEVENS BEKLOKKERN
IN HEUFD EN IN HAART EN HUUS EN HEERD
ONS LEVEN IS T LEVEN WEERD!

NOG EVEN DIT

MIT DIE IN T GAITERBOS – IN T MOS
OF WANDELN – HAAND IN HAAND –
DOEZEND MOAL SCHIERDER AS
OP N SJIEKE LIGSTOULE
OP IBIZA-STRAAND

LAIVER MIT DIE OP N BEVROREN GRUPPELTJE KLUNEN
AS OP MILJENAIR FAIR RONDSTRUNEN