Dag deur mit Hinnerk
Hinnerk is zesntagnteg joar en woont nog aal op zokzulms in ain luddek aarbaaidershoeske in ’t Loug.
Zo as elke dag is hai um zes uur wakker. Doar ken→
Ik ben in 1961 geboorn in de boerdereij in de Zellgnerbeetse veur de koele van Willem Lommerts. Ik ben begonnen as smeerjong en shovelsjefeur bie dai zulfde zandkoele dai was dou van de gebr de Boer oet Emmen.
In 1978 in dainst goan en dr pas in 2020 oetkommen.
Deur mien oal heer Feibe de Roo heb ik t Grunnegs ook umaarmd. Ik heb hail veul verskes vanoet t Nederlands en andere toalen umtoalt noar t Grunnegs. Ook heb ik nog wat andere stokskes opmaggelt.
Wel wait of ik dai oeit nog n moal oopmboar moak. Ik heb nog wol ains mitdoan aan Grunneger schriefwedstrieden.
Ik heb van 1996 t/m 2001 het streektoalpregramma Op ain knije presenteerd bie Radio Westerwolde. Ben altied als invaller bie de umroup west. In 2022 kreeg ik het programma Bleusexperience touweezn. In 2023 mog ik weer op de zoaterdagmörgn het streektoal programma Dieverdoatsie presenteren.
Mien echte noam is Wietze de Roo man deurdat ik ook nog Dörpsschraauwer en Grand Marshall bie de Millrose Jazzband ben kreeg ik al laank leedn de bienoam Wietze Westerwolder. Dus dai heb ik veur aale bezegheedn boeten deure aannoomn. Deur mien waark heb ik ain groot dail van de wereld zain en nig allaint deur missies en oetzendingen. Van aale umzwaarvingen in NL en Duutslaand bennen wie in 1997 weer deelestreekn in Zellgn.
Traauwt mit mien poedie, twij knuppels en opa van, tot nou tou, twij klaainkinder.
