len kolle gaang
len kolle gaang
krigt dien zwaarde kat
potjes ien n olle deus.
Doe zits der oamloos noast.
Drukst dien rug stief
tegen roege muur
as ze t eerste jong
ien n golf rood vocht
noar boeten graauwt.
Nat karton rokt
krek as gruintetoen
noa n beste bui.
Zai snort en schuurt
mit zaachte tong
t blinde kiend dreug.
Trijntje, Klaske en Karel
wiest doe dien pa
as er thoeskomt.
Hai nikt mor kikt nait.
Nimt die mit noar keuken
woar moeke wacht
woar kachel waarm
en eerdappels kloar.
Op bèr is t zummer;
blode bainen en twaalf pootjes
ien hoog gras.
Ver veur wekker
staaist weer beneden
te kleumen ien gaang.
Deus is leeg.
Dien zwaarde kat
zit der toerloos noast
al stopt mit zuiken.
3de Pries Westerwolder Schriefwedstried 2026