Aal mien golden beloftes
als ik van aal
mien golden beloftes
nou ains ain
koperen noa zol kinnen kommen
is dat aal n haileboel
Woont in: Stad
Ik schrief ien zo goud meugelk Grunnings, spreuken enz. in mien bundeltje, van holtjes tot klapscheuvel, stoan der zo’n 50 stuks.
Op Dideldom publiceerd:
De Olle Grieze
Ik stoa hier
al hail wat joaren
ik heb hailveul
zain kommen
en zain goan
k wait nait
wat of ik bin
bin ik n man
of n vraauw
ik bin de OLLE GRIEZE
veur t bekieken
en veur t beklimmen
gebruuk mie naait verkeerd
want din bin ik ien rouw
elkenain mag ien mie kieken
dat kriebelt o zo lekker
mor dij roare hekken
moaken mie wel aal gekker
bekiekst mie
as n stuk van t heden
k stoa hier aal n joar of wat
en kìn t stads verleden
as joe goud luustern
noar mien kopern klokken
wil ik stad en ommelaand
noar mien vout tou lokken
din geef ik joe t verhoal
van wat ik doagelieks zai
mor nooit zai ik
de stad van n aandere kaant
gainain het meelie
op grode maart stoa ik allain
wel nemt mie n keertje mit
din leer ik de stad ook kennen
en hou of t zit
Gokken
Willen joe bie ons gokken?
Ik: “Nee, ik gok nait”
“Dikke priezen!”
“Ik gok nait,
echt nait!
Wedden?”
Ien huus
heb ik
de beste kluus
mor t slöt
van mien veurdeur
is regelmoateg
ien n slecht humeur
hail veul mensen zeggen
geld mot rollen
mor der binnen ook mensen
dij kieken woar
oaf t liggen blift
Ik zag
ik zag n mens
en docht
dij kin mie helpen
k zag n mens
en klampte mie
doaraan vast
ik zag n mens
en raip
om mie te helpen
en nait te kraben
mit zien noagels
ik zag n mens
en wer zien vrund
uit: ‘gruwelijk anatomisch’
i serie lit.kring leek 1987
origineel in ned
Keukengehaim
joe nemen veur 60+ERS
drij kilo ie-meel
twij kilo oafluustermeel
14 stuks gilmlaggers
1,5 liter bovenwotter
en melk noar behuifte
Zolt uut Kamp
dit mout goud twitterd worden
en opsloagen ien smoelbouk
opdainen op haarde schieven
Malaise
ien dizze tied
van finansjele malaise
kopen wie n puut patat
mor ien e kontbuutse
hebben wie
n tube mayonaise
Martinitoren (vervolg)
t Is zo lekker rusteg vannacht
dat k n beetje
weg begun te dommeln
onder aan mien vout
heur ik “wat is t hier stil”
al proatende leunen ze tegen mie aan
ze vroagen zich of woarhìn te goan
t is nog vroug
te vroug veur de kroug
voag weg heur ik hun besluut
en begun mien wens te dreumen
dat mie vroagd wordt
of ik misschain hail misschain
zin heb om mit te goan
en denk: “As k der nou
hail even vandeur goa
der is toch niks op stroat
hail eventjes mor
k moak t echt nait loat
echt even stiekom
der tussenuut
en
klokken op stief…”
Baaident goan schuun
de Grode Maarkt over
ik kom stilletjes lös
en zweef stiekom
achter ze aan
richting Vismaarkt
stadhuus veurbie
hè eindelk
din tussen baaide maarkten
en dìn richting Vismaarkt
k zai mien collegoa
hail verboasd loeren
k zwaai even mit n laange wiezer
veurzichteg zwaait e terug
zoveul laange joaren
en elk ons aigen plekje
(wordt vervolgd)
Martinitoren (vervolg)
elk onze aigen verhoalen,
mor net as ik, ook welains
dreumen en wil ook welais
deur stad hèn dwoalen
ik blief hangen veur d’olle
koornbeurs omdat ik vuil
stram en stief, als ik nog
langer blief goan ze mie
missen
k zwaai nog ainmoal
met n laange wiezer
ien d’hoop
dat k nog ainmoal
weg dreumen mag
noar de verhoalen
van d’olle beurs
nou mout k der nog
noar gissen
weer terug op t olle stee
mout ik even de tied
biestellen mien klokken
binnen hail gedwee
nou wait ik wat nijsgiereghaid
en wat muziek is
uut de krougen
t is nog mor veur ainmoal
as k teveul votgoa
vuil ik mie misschain
n simpel gekje
misschain wel as n gemis
want toch, k heur hier
mensen dij waiten nait aans
en as k der nait bin
pakt n aander hail
misschain mien ereplekje
mor toch
as t nog ainmoal mag
wil k groag
noar stadsschouwburg
(wordt vervolgd)
Mien wicht
doe wilst groag
ien n gedicht
mien wicht
t is aigenlieks
n mooi gezicht
mien wicht
eerst wolk t
nait doun
mien wicht
moar k bin der
toch veur zwicht
mien wicht
zo as k die
sums bezeg zai
mien wicht
worden pien en ongemak
n stuk makkelker
mien wicht
en dien troostende stem
geft rust en licht
mien wicht
Noar hoes tou
even noar hoes tou schoppen
even noar hoes tou schoppen
de keeper staait aal kloar
om thoesbal even te stoppen
hai schopt de baal
noar t middenveld
midden tussen sportief geweld
even noar hoes tou schoppen
der is gain ploug
zo as dij van ons
wie geven dij aandern
ains even goud de bons
even noar hoes tou schoppen
Op t loug
t is nog vroug
bie ons op t loug
moar veur kroug
was t loat
vannacht op t loug.
k heb nog mit kregen
dat klokke vare sloug
deur de stilte
van ons loug.
nog gain boer mit ploug
mit peerd d’r veur
zoas aaaltied ien t veurjoar
aal vroug bie ons deur t loug.
t waas aal zes moal
dat klokke sloug
en ons moeke aan mie vroug
is t aalweer zo loat
bie ons op t loug?
Spreuk
Ain spreuk allain
kin t leven van n mìns
nait verlengen
mor misschain wel
mit n gerust haart
noar n nije toukomst brengen
Spreuken
aan kienders
dij nooit
de goie weg vonden hebben
hangt n hail apaart prieskoartje
beter rooie wangen
as n blaauwe neuze
oale bomen waiten altied woater te vienden
vrouger waas mien vraauw mien rechterhaand, nou is mien rechterhaand mien vraauw
Veur elk dij zich ienspant om t olle te beholden
wel brengt
de grunneger toalen terug
op t plattelaand
de echte toalen
van de golden raand
neum t dialect
neum t toal
as t goud is
leren wie t
nog allemoal
Vis u veel
d’r kropt n widde haai
over vismaarkt
dij liekt n beetje of
nogaal ien de waar
t baist hikt, snoeft en hapt
n beste bek vol vis
en n hap oet mien kaar
doe liekst mie oardeg ien de waar
biet moar n hap oet buurmans kaar
en hou wolst doe betoalen?
n grode bek met schaarpe tanden
“kom straks nog moar
n visje hoalen.”
Zuik moar uut
Ons winkeltje mout dicht
der is gain jong
der is gain wicht
noa zoveul lange joaren
ons winkeltje
ons winkeltje …mout dicht.