April
Guster scheen zunne.
Sprutter op schösstain
sluig mit zien vlerkjes
en rekte zok uut,
kwetterde en schetterde,
zong as n liester
zien laidje van t veurjoar,
wat laif geluud!
Vandoage
ligt ter snij
en poaskebloumen
boegen heur koppies
mismoudeg omdeel
en heur bladjes,
guster nog stroalendgeel,
zitten nou vol
moddersputters…
En woar binnen de sprutters?
Vot, net as t veurjoar…
Och dij male moand april
dut vanzulf weer wat e wil!