De Martinitoren
As emigrant was ik joaren
Weg uut de stad
‘k Bin weerom, ‘k heb ervoaren
Dat ‘k gain wilskracht bezat
De wilskracht te vergeten
De stad waar ‘k ben geboren
Waar ‘k mien jeugd heb versleten
Vlak bie Martinitoren
De Martinitoren stait nog
Bie grode maarkt
Op de Vismaarkt de Korenbeurs
Wordt nog altijd haard waakt
En stoa ‘k veur ‘t station
Zai ‘k ome Loeks weer met zien peerd
‘t Is ‘n stad woar de Grunneger
Groag bivakkeert.
‘k Loop van ‘t Zuuderdaip
Noar Folkingestroat
Langs de synagoge
Deur ‘t kolle gat en ‘d Heerestroat
Ook in de buurt van nijstad
Is nog van alles te doun
Een vent die ropt, dag schat
‘t Is nog net zo as toun
De student in de kroeg zegt
‘k Heb naait zoveul geld
Zegt kastelain, dat geft niks jong
Elk dubbeltje telt
Dat zegt doar de kroegboas
Elk is hom geliek
De student heurt in Grunnen
Gewoon bie Jan Publiek
Zo is en zo was het
Zo zal ‘t altijd goan
De Martinitoren zal er
Nog altijd laank stoan.
‘k Goa hier nooit weer weg
uut mien stad, woar ‘k weer woon
Ik heur hier in Grunnen
‘k Ben ‘n echte Molleboon.
Optaikend deur G de Grooth-Speelman, opstuurd deur heur dochter Cora
