Ie willen wel Grunnegs perbaaiern te schrieven, mor dij woorden bennen zo stoer!
Mor ook as je al bekend bennen mit t schrieven in t Grunnegs is dit n schiere aanvullen.

Wie hebben veur joe n spellenscontrole veur LibreOffice, OpenOfice en Word.

De controle veur de Language Tool browserextensie wordt nait meer aanboden, omreden Language Tool verdwient binnenkört.

Veur n tablet of mobiel waarkt dit nait, doar kinnen je gain woordenliesten uploaden. t Ainige wat doar kin, is dat je der n toetsenbord aan koppelen dij t invoeren van woordenliesten ondersteund.

Onze spellenscontrole waarkt noast de standoard Hollandse, dij standoard inschoakeld is. Denk der doarom om dat je gain rood streepke kriegen as je n Grunnegs woord verkeerd schrieven en dat je din touvalleg oetkomen op n Hollands woord. Dus as je “soldoat” fout schrieven as “soldaat”: gain foutmelden. Wèl bie “soldoad”.

De hieronder nuimde woordenliesten hebben n doatum. Bie n oetbraaiden komt der n nije doatum. Zo kinnen ie zain of ie joen woordenlieste mouten vervangen.

n Poar aandachtspunten veur LibreOffice, OpenOffice en Word

Joen tekstverwaarker het n persoonlek woordenbouk op joen computer opsloagen. Dat zel in de maiste gevallen een leeg bestand wezen. Dit mout vervangen worden deur onze woordenlieste dij noa de nijste grote update en verbeteren nou 35000 woorden bevat. Joen tekst wordt zowel in t Hollands as in t Grunnegs controleerd.
De lieste bekieken of bewaarken? Kiek onderaan dizze bladzie.

De liesten dij hieronder broekt wordt bestoan oet:

Inhold: 

• ale lözze woorden van t buutswoordenbouk van Reker 
• de maist veurkommende Grunneger woorden in ale 100 òfleverns van tiedschrift Kreuze, ook op dit webstee te vinden. Controleerd op “Reker-bestendeghaid” 
• verzoameln andere woorden

Nait der in:

• Hollandse woorden mit n Grunneger betaikenis zoas toen, maart, doe, doen. Dij zitten al in d’ Hollandse controle dij standoard insteld is. 

Installeren

Noa t installeren mouten ie joen tekstverwaarker even òfsloeten en joen laptop of computer vannijs starten.

Libre Office

Download dizze woordenlieste:

Doatum: 16-4-2026

Vervang of ploats dit bestand in Windows:

Windows (C:)\Users of Gebruikers\joen gebroekersnoam\AppData\Roaming\LibreOffice\4\user\wordbook\standard.dic
* as AppData nait zichtboar is, verander din in Verkenner bie Eigenschappen dat de verborgen bestanden ook toond worden mouten

Vervang of ploats dit bestand in MacOS:

~/Library/Application Support/LibreOffice/4/user/wordbook/standard.dic

Vervang of ploats dit bestand in Linux:

~/.config/libreoffice/4/user/wordbook/standard.dic

Open Office

Download dizze woordenlieste:

Doatum: 16-4-2026

Vervang of ploats dit bestand in Windows:

Windows (C:)\Users of Gebruikers\joen gebroekersnoam\AppData\Roaming\OpenOffice\4\user\wordbook\standard.dic
* as AppData nait zichtboar is, verander din in Verkenner bie Eigenschappen dat de verborgen bestanden ook toond worden mouten

Vervang of ploats dit bestand in MacOS:

~/Library/Application Support/OpenOffice/4/user/wordbook/standard.dic

Vervang of ploatst dit bestand in Linux:

~/.config/openoffice/4/user/wordbook/standard.dic

Word

Download dizze woordenlieste veur gebroek op ain apperoat:

Doatum: 16-4-2026

Download dizze woordenlieste veur inlogd en gesynchroniseerd gebroek op meer apperoaten:

Doatum: 16-4-2026

Vervang of ploats dit bestand in Windows:

Windows (C:)\Users of Gebruikers\joen gebroekersnoam\AppData\Roaming\Microsoft\UProof\custom.dic of:
Windows (C:)\Users of Gebruikers\joen gebroekersnoam\AppData\Roaming\Microsoft\Office\<OfficeVersion>\<RandomFolder>\Proofing\roamingcustom.dic
* as AppData nait zichtboar is, verander din in Verkenner bie Eigenschappen dat de verborgen bestanden ook toond worden mouten

Vervang of ploats dit bestand in MacOs:

~/Library/Group Containers/UBF8T346G9.Office/Custom Dictionary

*Roamingcustom.dic is veur Apple nait beschikboar. Gebroek veur Apple doarom de “Stand Alone” download.

Bewaarken van joen Spellenscontrole woordenliest.

As ie zulf joen woordenliest bekieken of bewaarken willen, is dat t beste te doun mit dit pergram:

Wordnote++ : https://notepad-plus-plus.org/downloads/v8.9.3/

Lukt t nait of vroagen?

Ale drij tekstverwaarkers bennen test en t waarkt. Toch perblemen? Stuur even n mailtje noar de redactie: info@dideldom.nu of gebroek t contactformelier. Ook veurstellen om in de bestoande liest woorden tou te vougen, te veraandern of vot te loaten bennen van haarten welkom.