Ie kinnen der mit lezen en schrieven
Op dit stee willen wie geern wat informoatsie over de schriever geven. Veur de lezer is dat vanzulf interessant. Wenneer geboren, woar komt hai of zai vot? Al meer schreven? En nog wat meer achtergrond. Schaande genog hebben wie dij informoatsie nog nait (compleet). Doarom n oproup aan de schriever ons wat op te sturen.
Wie hebben veul waark van al wat joaren leden op de webstee stoan. t Kin vanzulf ook wezen dat de schriever al oet tied komen is. Doarom n oproup aan de noabestoanden om dizze informoatsie te sturen, zodat noast t schriefwaark ook de persoon van de schriever in onze gedachten wieder leeft.
Ploats aan de Eems
in t noorden van
ons schiere laand
haarten kloppen
om beurten
op laand op zee
de hoavenweg is
n oader veur t achterlaand
mit störm goan
schoeven over weg
zeekoapen sirreln
mit wind mit
kringels rookslierten
zo alledoags
biezunder ervoarens
ploats aan de Eems
Votgoan
noar maarkt
kerk en schoul
t mooiste aan t end
thoeskommen
Grunnings
wat n toal
vlak op hoed
in swiegen en proaten
levenslaank
Kruuswoord
stief noadenken
letters oet zied
t ken nait t ken aal
hazzengeschrip
Boukerij
in letters
swaart op wit
aiden op broak laand
kweekwaark
Op heur zeuventiende
begon ze mit t waark
veur ollegies
waarkte soamen mit
aandern, zörgzoam
aaltied blied
n proatje hier en doar
mit n open gezicht
biezundere gaang
in t lopen
vatteg joar ploeterd
veur n mens
dij lebait is
heur noam is en blift
Ledy Kant