Hiepnootiseuse

‘t was op joarmaarkt in ain klaine negorij in dizze previnsie. Kwam veur heur kroam en vroug wat kost hiepnooseboukn?
Dij binn nait te koop. Mòr as joe geïnteresseerd binn, ik dou sélf hiepnotiseern en hélp mensn van ‘n probleem oaf, dat kost wel vief euro heur. Wat is joen probleem den? Ik, nou ik kin nait uutsloapm, wor elke mögn heul vroug wakker, door lied ik heul aag aan! Nou door kin ik joe van oafhelpm en so dat joe lekker laank doorslaapm kin. Kom moar mit noar binn en noar boovm tou, door stoat ain stretcher. Wie goan noar boovm en goa op stretcher lign. Ontspaan joe mör. En lign joe nou goud so? Ik tél tot viefe en joe goan sloapm. aine, twee dreie, vaare, viefe. Ik sluip geliek asn rose.
Nao ein tiedje got ze weer teln en droagt mie op dat’k wakker most wordn. Mor mooi nait,door had’k gain zin in. k Was nog veuls te mui.
Had heur tenslotte vief euro betoald.
Bleef mor deursloapm, zij heulemoal van streek, om hoalfelm soavonds, hef ze in paniek heur vriendin opbéld. Dij kwam en zee teegn heur, wat est stoe doan wicht ? Zij, ik heb hiepootieseert om van zien te vroug wakker wordn oaf te hélpm en nou worde hij nait wakker. Kist om nait lign zo loatn, zee heur vriendin, daodelijk voalt hij der oaf, leg om mor op dien berre, dij is groot zat. Wat heb ik goud bie heur sloapm, werd smorgens om hoalfelm wakker.
Ik bedankte heur dat ze mie van te vroug wakker wordn oafholpm heft.
We hebm soam nog ontbeetn. Ben toun opstoan om mien train te hoaln. Ik zee nog teegn heur, sol die bie kennisn aanbeveeln eur. Ze schrok en zee,mor asjeblieft nait veursloap probleemn.
Kreeg veur dat’k et deur hat nog ain dikke smok van heur.

Meer van t zulfde:

Ploats hier joen reactie op dit stòkje; algemaine reacties kennen in t Gastenbouk

Het e-mailadres wordt niet gepubliceerd. Vereiste velden zijn gemarkeerd met *

Achtergrond info:

Geboren op Knoal, in Oranjestroade in 1945. Ik heb mit mien ollu op Knoal woont schuun tegenover t plietsiebero. Dou noar Muzzelknoal in t huus woar Wilberink n glasfebriek in moakt haar op de Ceressingel. Emigreren ging nait deur mor wel noar Dieren tou, ik was nog jonk, mor 13 joar. Mit mien 15de bin k voaren goan op zeesleepvoart van Smit en Co in Maassluis. Dit heb k joaren doan. Dou ik n schier wichie kennen leerd heb ben k noar NS Spoorwegen goan en dat 35 joar volholden. En moak ik veul mit, mor Grunnen zit altied dicht bie mie.

E-mail bie wat nijs?